لسه الأنسه نون جديده فى الشغل و اول ما عرفت انها اتفبلت بقت مبسوطه كتير و بتطير من الفرحه بقالها يومين بتعمل شوبينج ، الشغل الجديد مش بس career ، الشغل معناه انها هتشوف ناس و ناس هيشوفوها و اخيراً ممكن تطلع بعريس . بقالها يومين هي و ماما بيفكروا هتعمل ايه مامتها - ياخايبه مطلعتيش لبنت خالتك اللي خرجت من الجامعه بعريس نون= ماما ما هي اتجوزت هي و جوزها قعدوا يشحتوا 3 سنين بعد الجواز من اهلهم و في الآخر اهي في مصحه نفسيه بعد محاولت تنتحر هي و جوزها مرتين مامتها - يا اختى دلع البنات ده .. بكره تخف و هي متجوزه و انتي عانس نون =whatever نون كلمت مسؤل HR اللي كلمها بتقوله يديلها عنوان الشركه قالها معلش يا آنسه دا انا بقالي يومين بكلمك عشان اقولك ان الوظيفه للأسف مطلوبلها راجل و اتاخدت O_o