صاحبه نون كانت متخانقه مع خطيبها ، و نون على غير العاده رجعت شويه كده من لالا لاند و اديتها النصيحه التمام و صاحبتها دي كانت مختله كفايه انها تنفذ الكلام بتاع نون سبحان الله نفعت و اتصالحوا ........ و على سبيل الصحوبيه عزمت نون تخرج معاها و خطيبها احتفالاً بالمناسبه السعيده . خطيب صاحبتها _ هو انتي إزاي مش مرتبطه ؟؟ نون_ مالك (مع رفع الحاجب ) خطيب صاحبتها - و الله ما اقصد حاجه بس انتي شكلك عاقله (مثلاً) نون قامت فجأه و قالت - دي غيبيات هتكفر ولا ايه يا اخ على . خطيب صاحبتا _ على مين ؟ . نون بتكمل عادي جداً _دي شكليات....الله .... صلي عالنبي فقلبك ، و بعدين مش انتوا اصحابي أدوني خطوات عمليه فعاله ، و لازم نحافظ على رباطه جأشنا مهما كانت الضغوط و نعرف انه ما ضاع حق وراءه مُطالب . خطيب صاحبتها بيكلم صاحبتها - جومي بينا نمشي دي طلعت خلل. # نون # صلى_عالنبي_فقلبك_يا_أخ_على