نون كانت زعلانه بعد ما الشغلانه راحت اللي كان مطلوبلها راجل نون زعلت كتير اوي ، و اكتأبت شويه كده و في يوم و هي ماشيه متنحه للفراغ قابلت واحده صاحبتها من زمان في الشارع و اتفقوا يخرجوا يتفسحوا و اتفقوا يخرجوا في المعادي تاني يوم و هي قاعده في الكافيه مستنيه صاحبتها لقت واحد جايب جيتار و بيعزف في الشارع و واحد صاحبه جاي يغني معاه اوبا بقى المعادي حلوه مفيش كلام نون عرفته ده اللي بيعزف في الفرقه الجديده دي بعد ما خلص عزف جه الواد بتاع المزيكا و قالها انتي حلوه قوي و بقت كل يوم تروح هناك وكل يوم هو يجيي يلعبلها الجيتار و فيوم نزل نص ركبه في الشارع و قالها بحبك ردت و قالتلوا و انا كمان قالها نعم .... احم عديني لو سمحتي يا آنسه لقت صاحبتها بتقولها يا نون فوقي يا ماما بيقولك عديني مش نعدي الشارع سوا ابو الحرمان يا جدع