No

نقل فؤادك اين شئت من الهوى ........و ما الحب إلا للي يمسح دمعتك 

على طول الزمان بنمشي و شوف و هنشوف ، اللي بيتجرح بجد مبيتكلمش مش ماشي يستعطف الناس الأهتمام ؛ بس مع القريبين بيفضفض بيفتح مابيخافش يوريهم نفسه من جوه لأنه واثق .

واثق ان الناس دي مش هاممها اي حاجه إلا هو ؛ انما اللي بيعمل نفسه الضحيه و يعيش الدور هيفضل طول عمره ضحيه لأنه عايز يكون كده مش عايز يخف . 

عاجبه ادوار النحنحه الكدابه . عاجباه الناس اللي بتدي اهتمام زايف و لكنه عارف بس سايبهم عشان يبقى ضحيه اكتر و يرجع يعيط تاني ..

لكن في ناس تانيه قويه زي ما بيقول صديقى قويه مايهزهاش الريح  بتتعلم من الغلط و مهما حصل متسيبش حد يستضعفها لأن اللي يدخل دوامة  الهنا بتاعه انا تعبان و انا الدنيا كلها عليا و بتحبها و تتعايش معاها جداً  بتبقى نفوسهم مشوهه او هما من ضعفهم بيسيبوها كده ، لكن الناس اللي مش خايفه تواجه الحياه بصدر مفتوح لما بتلقى فرصه للسعاده مبيتسيبهاش . 

الحياه لا تقف عند احد الحياه تستمر 

قالت العاطره حبك الأول هو حبك الأخير و ما الحب إلا للي يمسح دمعتك